Prompt: (kaliwa) 80's na retro robot na nagsasayaw sa isang siksikang club, maraming tao, abstract; (kanan) retro robot na nagsasayaw sa isang siksikang club, maraming tao, psychedelic anime
CREATIVE GENERATIVE AI
Mag-explore ng mga art style para sa mga AI prompt.
Surrealism, Cubism, Impressionism — alamin kung paano gumawa ng mga image sa mga art style na ito at sa iba pa gamit ang generative AI.
Ano ang mga art style?
Mula sa mga prehistoric na painting sa kuweba hanggang sa postmodern na pixel art, ang bawat panahon ay nakagawa ng mga natatanging art style. Kadalasang lumilitaw ang mga style na ito bilang reaksyon sa mga trend na nauna sa mga ito. Halimbawa, ang Impressionism ay nangyari bilang pagsalungat sa Realism ng huling bahagi ng ika-19 na siglo, na reaksyon sa Romanticism na nauna rito.
Ayon sa kasaysayan, sinanay ang mga painter at sculptor sa mga sikat na style sa panahon nila, pero gamit ang mga generator ng AI art makakagawa ang kahit sino ng art sa anumang style mula sa anumang panahon.
Bakit dapat magdagdag ng mga art style sa mga AI prompt mo?
Para makakuha ng magagandang resulta kapag nagge-generate ng mga larawan gamit ang AI, makakatulong ang pagkakaroon ng kaunting pag-unawa sa kungpaano gumagana ang AI art. Gumagamit ang mga generator ng AI art ng mga neural network, o ng napakakumplikadong mathematical system para maghanap ng mga pattern sa malalaking dataset. Sinanay ang mga network na ito sa daan-daang milyong image para gawing larawan ang halos kahit anong i-type mo sa field ng prompt.
Kasama sa pagsasanay ng mga model na ito ang art sa iba't ibang style, kaya pwede mong ipagamit sa AI ang mga art style prompt. Sa halip na isulat ang bawat katangian ng style na gusto mong gamitin, makakatipid ka ng oras at pagod sa pamamagitan ng pagtukoy sa art movement na gusto mong ilagay sa prompt mo.
Sabihin nating gusto mong mag-generate ng isang image na hango sa Art Deco para sa isang party kung saan ipinagdiriwang ang 100 taon ng The Great Gatsby. Pwede mong i-type ang “lalaking nakasuot ng tuxedo na nakatayo sa harap ng cocktail bar” sa field ng prompt sa Firefly Text to Image Module at makakuha ka ng magagandang resulta. Pero kung idaragdag mo ang “Art Deco style” sa prompt mo, makakakuha ka ng mas magagandang resulta na mas tumpak na makukuha ang 1920s look.
Sa Firefly, hindi mo kailangang i-type ang “Art Deco style.” Pwede mong piliin ang Art Deco sa seksyong Mga Effect ng control panel sa kanan, at gagamitin ng Firefly ang kaalaman nito tungkol sa mga katangian ng Art Deco movement para mag-generate ng mga image na tugma sa Roaring Twenties aesthetic.
Kung hindi masyadong tumutugma ang Art Deco effect sa vision mo, isa lang ito sa mahigit 25 na art movement na available sa control panel. Sa ilang minuto lang, mae-explore mo ang iba't ibang art style. Sa ganitong sitwasyon, posibleng mas bumagay ang Modernist o Cubist effect.
Prompt: lalaking nakasuot ng tuxedo na nakatayo sa harap ng cocktail bar, art deco style
Mga sikat na art style na masusubukan mo sa Firefly.
Anuman ang paksa o hitsura na gusto mong gawin, puwede kang mag-eksperimento ng iba't ibang art movement sa seksyong Mga Effect ng control panel ng Firefly. Ilan lang ang mga ito sa mga halimbawa ng mga patok na ideya sa art style na inilagay sa prompt na “Dance party ng hayop.”
Bauhaus
Ang Bauhaus movement, na nagsimula sa Germany noong 1910s, ay nakatuon sa ideya na ang modernong design ay dapat simple, functional, at madaling i-reproduce para sa mga tao. Gamitin ang Bauhaus para makagawa ng mga image na may mga geometric na hugis at simpleng linya.
Impressionism
Simula noong kalagitnaan ng ika-19 na siglo, sinubukang isalarawan ng mga Impressionist painter ang mabibilis na sandali. Mga tao at lugar sa araw-araw ang madalas nilang mga subject, at sa halip na ipakita ang mga ito nang makatotohanan, gumamit sila ng mga nakikitang brushstroke, at matitingkad at hindi pinaghahalong kulay para maipakita ang liwanag at pagiging natural. Subukan ang style na ito para mahimok ang parehong pakiramdam ng pagkilos sa isang partikular na sandali.
Cubism
Sa Cubist style, na pinasikat nina Pablo Picasso at Georges Braque sa unang bahagi ng 1900s, hinahati-hati ang mga element para gawing mga geometric na hugis at sinusubukang ipakita ang mga subject mula sa lahat ng anggulo. Kung kaya, sa karamihan sa mga gawa ni Picasso, hindi pantay ang mga mata at may dalawang ilong ang subject, isa sa profile, at isa sa three-quarter view. Kapag pinili ang Cubism style, awtomatikong maje-generate ang mga image na puno ng mga geometric na hugis at anggulo.
Psychedelic
Ang psychedelic art ay may posibilidad na paghaluin ang mga matingkad na kulay at mga pattern na umiikot-ikot para makagawa ng mga distorted, surreal na larawan. (Isipin ang mga poster ng concert mula sa taong 1960s.) Tinitiyak ng Psychedelic style na, anuman ang prompt mo, ang mga resulta ay tila panaginip at hindi inaasahan.
Steampunk
Nagmula ang Steampunk art sa steampunk genre ng science fiction, na kung saan nagtagpo ang ika-19 na siglo na Victorian style at steam engine technology, at ang science fiction at fantasy. Bibihisan ng Steampunk effect ang mga subject mo ng mga makalumang damit (may goggles paminsan-minsan) at magje-generate ito ng mga maganda at mukhang kumplikadong machine.
Surrealism
Simula noong 1920s, sinubukang ipakita ng mga Surrealist ang unconscious na isipan at mga panaginip bilang paraan para mas ganap na maipakita ang kabuuan ng karanasan ng tao. Naaangkop ang style na ito para sa mga paglalarawan ng panaginip o pagpapakita ng mga mas kakaibang sandali ng buhay.
Synthwave
Isang genre ng electronic na musika ang Synthwave mula sa unang bahagi ng 2000s, pero isa rin itong visual style na ibinabalik ang mga action at sci-fi TV show noong 1980s. Kinakikitaan ito ng matitingkad na pink, purple, at teal, at para itong nagdaragdag ng vibe ng Miami noong 1980s sa prompt mo.
Paano magdagdag ng mga art style sa mga prompt mo sa Firefly.
Pwede kang magsimula sa pamamagitan ng paggawa ng text prompt gamit ang ideya mo. (Kung kailangan mo ng mas marami pang payo, tingnan ang mga hakbang na ito para makagawa ng AI generated art.) Pagkatapos ay direktang idagdag ang pangalan ng art style na gusto mong gamitin sa field ng prompt.
Kung hindi ka sigurado kung aling style ang posibleng babagay sa ideya mo, pwede mong sundin ang mga hakbang sa ibaba para sumubok ng iba't ibang art movement mula sa control panel.
1 Buksan ang Firefly.
Pumunta sa Text to Image module sa Firefly.
2 Hanapin ang control panel.
Mag-click sa isa sa mga sample na image para buksan ang control panel.
3 Mag-browse sa Mga Movement.
Sa seksyong Mga Effect ng control panel, i-click ang Mga Movement. Mag-scroll pababa sa listahan at mag-click sa artistic movement na gusto mong gamitin.
4 Idagdag ang prompt mo.
I-type ang prompt mo sa prompt field. (Makakuha ng mga tip sa kung paano magsulat ng mga epektibong prompt.)
5 Mag-generate.
I-click ang I-generate at tingnan ang mga resulta.
6 Pinuhin.
Baguhin ang o magdagdag sa prompt mo, sumubok ng ibang movement, o magdagdag pa ng direksyon sa pamamagitan ng pagpili mula sa mga menu na Kulay at Tone, Lighting, at Composition. Pwede mo ring subukan ang mga negatibong prompt para mag-alis ng mga element sa mga resulta.
Magbigay pa ng gabay sa style sa Firefly gamit ang Generative Match.
Gayahin ang style ng isang partikular na image sa pamamagitan ng pagdaragdag ng reference image sa Firefly. Pwede kang mag-upload ng sarili mong image o maglagay ng reference ng style mula sa na-curate na gallery sa control panel. Pumili ng mga reference image batay sa texture, medium, style, lighting, at marami pa.
I-edit ang isang bahagi ng isang image gamit ang Generative Fill.
Kung minsan, halos perpekto na ang isang image maliban sa isa o dalawang area. Para ayusin ang mga area na iyon, buksan ang Generative Fill workspace sa pamamagitan ng pag-click sa button na I-edit sa kaliwang bahagi sa itaas ng na-generate mong image. Pagkatapos ay pwede kang mag-alis ng mga element na ayaw mo o magdagdag ng mga bagong element gamit ang mga text prompt para idagdag o alisin ang mga ito.
Prompt: dj na husky na aso na may sunglasses, nakalabas ang dila, at nakalagay ang paw sa spinner, long-time exposure, digital art
Gamit ang lahat ng tool na available sa Firefly, pag-eeksperimento at pag-uulit na lang ang kinakailangan para makuha ang mga image na gusto mo gamit ang generative AI. Magpatuloy sa pagsubok ng mga bagong prompt at pag-explore ng iba't ibang art style, at huwag kalimutang idagdag ang sarili mong mga ideya ng style. Sa pagpapamalas ng creativity mo habang ginagamit ang teknolohiyang ito sa mga bago at kakaibang direksyon, siguradong makakapag-generate ka ng mga kamangha-manghang image.
May mga tanong? Mayroon kaming sagot.
Iba't ibang style ang bumabagay sa iba't ibang prompt, kaya isaalang-alang ang hitsurang gusto mong magawa. Kung hindi ka sigurado, subukang mag-explore ng iba't ibang style at tingnan kung alin ang pinakagusto mo. Posibleng makatulong kung gagawa ka ng moodboard ng mga image na nagbibigay-inspirasyon sa iyo at gamitin ang mga ito para gabayan ka sa mga prompt mo.
Mag-eksperimento ng paksa at style. Gawin itong tradisyonal, tulad ng “mga sailboat na ipininta gamit ang watercolor” o “Mount Fuji na may magsasaka sa foreground sa Japanese woodblock.” Pero pwede mo ring paghaluin ang style at paksa, tulad ng “concert ng isang heavy metal na ipininta gamit ang watercolor” o “mga kotse na nasa daan sa trapiko sa mga pinakaabalang oras sa Japanese woodblock.” Bigyan ang AI ng mga parameter na gagamitin sa pamamagitan ng pagdaragdag ng mas detalyadong paglalarawan ng scene na iniisip mo. Pagkatapos ay subukan ang scene sa iba't ibang style para makita mo kung ano ang hitsura nito. Halimbawa, ang Art Nouveau na pagsasalarawan ng “picnic ng teddy bear” ay magiging lubos na naiiba sa bersyon na Neo-expressionist.
Bilang uri ng teknolohiya ng generative AI, gumagana ang mga generator ng AI art katulad ng iba pang uri ng artificial intelligence, na gumagamit ng modelo ng machine learning at malalaking dataset para makagawa ng partikular na uri ng resulta. Gamit ang generative AI, makakagamit ang sinuman ng karaniwang salita at iba pang input para gumawa ng mga image, video, dokumento, digital experience, at marami pa. Inilalagay ang Adobe Firefly sa Creative Cloud para bigyan ang mga tao ng mga tool para bumuo ng mga resulta nang mabilis at i-customize ang mga ito para umangkop sa natatangi nilang vision.
Dream Bigger - Adobe Firefly.
Mag-imagine, mag-eksperimento, at gumawa sa pamamagitan ng generative AI sa Firefly web app. Bago sa Creative Cloud, ngayon ay available na para sa komersyal na paggamit.
I-share ang artikulong ito
