VIDEO
Gumamit ng mga podcast video para makaabot ng mas malawak ng audience.
Ang mga podcast ay medium ng audio, pero makakatulong sa mga creator ang pagdaragdag ng video component para makipag-ugnayan sa mga user sa mga platform at social media bukod pa sa feed ng podcast.
Simulan ang free trial | Free trial ng Premiere Pro I-explore ang Premiere Pro
Ano ang podcast video?
Una sa lahat, ang mga podcast ay tungkol sa boses ng tao. Ang podcast man ay may isang host na nagsasalita tungkol sa isang paksa o may panel discussion, ang mga salita at ideya ng mga tao ang pinakamahahalagang aspeto. Gayunpaman, hindi lang umiikot sa mga salita ang komunikasyon. May ginagampanang pangunahing layunin sa pananalita ang mga galaw ng kamay, ekspresyon ng mukha, at body language, at kapag nagdagdag ng video element sa mga podcast, maka-capture ang dagdag na nuance na iyon at matutulungan ang mga podcaster na higitan ang simpleng audio content.
Maka-capture ng mga podcast video ang mga pagkakaibang iyon sa komunikasyon at binibigyan din ito ang mga podcaster ng paraan para ipalaganap ang mensahe nila at maabot ang kanilang mga audience hindi lang sa mga karaniwan nilang platform.
Paano gumawa ng podcast video.
Dahil video content ito, mas matrabahong gumawa ng de-kalidad na video podcast kaysa sa audio file para sa RSS feed, ang naka-standardize na format na nagbibigay-daan sa mga app tulad ng Apple Podcasts, Stitcher, at Google Play na magbasa at mag-download ng mga episode nang walang kahirap-hirap.
Image ng Focus Forward Media
Mag-record ng podcast video.
Sa mga podcast video, priyoridad ang podcast at pangalawa ang video. Bigyang-priyoridad ang pagkuha ng magandang audio. Mas maganda sa pangkalahatan ang mga nakalaang mikropono sa pag-record ng mga boses kaysa sa mga onboard camera mic.
Gayunpaman, hindi mo kailangan ng maraming mamahaling equipment. “Hindi mo kinakailangan ang pinakamagagandang camera,” sabi ni Mike Neilan, isang podcaster na bahagi ng Focus Forward Media. “Ang punto ng podcast ay ang pagkukuwento. Hindi mo kailangan ng camera na nagshu-shoot sa 4K. Kumuha ng solid na $100 na mikropono.”
Kung kumukuha ka ng remote na panayam, kung minsan ay hindi mo makukunan ang mga bisita mo sa camera. Posibleng wala silang webcam, o posibleng kailangan nilang tumawag mula sa ibang lokasyon. Kung gayon, kailangan mo pa rin ng visual kapag nagsasalita sila, at huwag makuntento sa static na image lang. Makakapagdagdag pa rin ng visual na element sa video footage ang animated na waveform ng kanilang speech sa headshot o logo.
“Gusto naming malaman ang aktwal na podcast bago namin idagdag ang video sa mix,” sabi ni Neilan. Sinigurado ng Focus Forward na gumagana ang kanilang podcast at malinis ang audio nila bago idinagdag ang visual na element. Mahalaga ang mga visual, pero ang mga salita, ideya, at pag-uusap ninyo ang makakapukaw ng audience. Kapag gumagawa ka ng podcast video, palaging alalahanin kung ano ang nagpapaganda sa podcast, kahit na walang nilalamang video. Naaangkop pa rin ang mga pangunahing kaalaman sa pag-podcast, tulad ng pagwawasto para sa ingay sa background at pag-edit out ng mga pagkautal.
Mag-edit ng podcast video.
Bagama't karaniwang kapaki-pakinabang ang magkahiwalay na pag-capture audio at video, i-edit ang mga ito nang magkasama. “Nire-record namin ang audio nang hiwalay sa video,” sabi ni Christina Jones, isang podcaster sa Creatives Are Essential. “Kapag natapos na kaming mag-record ng mga podcast, sini-sync namin ang mga iyon sa Adobe Premiere.”
I-set up ang mga kagamitan mo sa pag-record mo para maiwasan ang mga awkward na pag-edit. Kapag nagre-record, subukang gumamit ng mahigit isang camera, kung posible. Kung isang camera lang ang mayroon ka, hindi maiiwasang magkaroon ng mg jump cut sa pag-edit ng audio. Kapag maraming anggulo, pwede kang mag-cut sa camera habang nag-e-edit ng audio, para hindi makakita ang mga manonood ng nakakagambalang jump cut. Nakakatulong din ang mga cut sa B-roll para hindi masyadong nakakagulat ng mga pag-edit sa audio at mas nakakatulong ang mga ito na pagsamahin ang audio at video.
Magdagdag ng mga extra.
Kapag na-edit nang magkasama ang audio at video, magdagdag ng mga extra tulad ng text sa screen na tumutukoy sa lahat ng speaker mo, mga lower third (ibig sabihin, anumang graphic na lumalabas sa lower third ng screen), at iba pang graphics sa screen. Limitado ang paraan ng paghahatid ng mga podcast ng mga tagapakinig sa mga advertiser, kung saan ang mga call to action ay paghiling lang ng host ng podcast sa mga tagapakinig na maglaan ng oras para i-explore ang content nito. Gayunpaman, pwede ring maging naki-click na graphics sa screen ang mga podacast video. Kung nagsasalita ang mga host tungkol sa isang website, o nagpo-promote ng produkto o serbisyo, pwede kang bumuo ng gumaganang CTA sa screen sa video, na mag-aalis ng kaunting friction para sa mga manonood mo.
I-promote ang mga podcast video mo.
Ang mga podcast video ay pwedeng maging pampromosyong tool at pwedeng makatulong sa mga podcaster na higitan ang audio.
Alamin ang mga platform mo.
May magkakaibang pangangailangan at kahingian ang iba't ibang platform. Kailangan ng YouTube at ng marami pang ibang platform ng custom na thumbnail o pampromosyong image para sa bawat video na ina-upload. Gayunpaman, iisang static na pampromosyong image lang ang kailangan ng ibang platform, tulad ng Apple Podcasts o Spotify. Kung gusto mong epektibong makipag-uganyan sa audience sa iba't ibang platform, kailangan mong iakma ang content mo sa mga pangangailangan ng platform na iyon.
Gawing maraming video ang isang episode ng podcast.
Pwedeng ma-edit sa mas maiikli at nashe-share na bahagi ang isang video para sa mahabang episode ng podcast. Bagama't posibleng nasa 20 hanggang 90 minuto ang buong episode, posibleng abutin lang nang hanggang isa o dalawang minuto ang ilang paksa. Kung may mga segment kang katulad nito sa mga podcast mo, pwedeng kunin ang mga ito at gawing mas maiikling video, na pwedeng pumatok sa mga platform ng social media.
“Sa pamamagitan ng pag-record ng video, pwede mo itong i-clip, ilagay sa social, at palaguin ang podcast mo,” sabi ni Mike McDonough ng Focus Forward Media. Papakinggan at papanoorin ng matatapat na audience ang mahabang content, pero mas nashe-share at pwedeng maging magandang tool ang mas maiikling video para makaengganyo ng mga bagong subscriber at manonood.
Makipag-ugnayan sa mga bisita mo sa kanilang teritoryo.
Ang pagkuha ng sikat na bisita sa podcast mo ay isang subok nang paraan para paramihin ang audience mo. Kung may mahahalagang panauhin ka, ipo-promote nila ang podcast sa kanilang mga channel, at mas malaki ang posibilidad na sumubaybay ang audience mo sa content mo. May mas malaking tsansa ang mga podcast video na gamitin ang kilalang pamamaraang ito. Sa paggawa ng mga podcast video, pwede kang makipag-ugnayan sa mga creator na naka-focus sa video sa gusto nilang platform. Mas madaling maaabot ang audience ng YouTuber sa YouTube, o ang mga fan ng TikTok star sa TikTok. Hindi mo kailangang subukang i-redirect sa medium ng audio ang audience na naka-focus sa video.
Higitan ang karaniwang format ng podcast.
Ang mga pinakasikat na podcast ay may milyon-milyong subscriber, at kadalasang nakakadama ng malalakas na ugnayan ang mga tagapakinig ng podcast sa kanilang mga paboritong palabas at host. Gayunpaman, pwedeng maging mahirap na makapasok sa market na iyon. Napakaraming podcast, at nakikipagkumpitensya ang lahat para sa atensyon at mga tagapakinig.
Para makuha ang atensyong iyon, kailangang humarap ng mga creator sa lahat ng channel, at ang video ang isang epektibong paraan para magawa iyon. Isa rin itong paraan para ilaan pa lalo ang sarili mo at ang pagkatao mo sa podcast. Hindi lang nakikinig ang mga audience para sa sinasabi mo. Nakikinig sila dahil gusto nilang makibalita sa iyo. Ang paglalagay ng sarili mo sa harap ng camera ay isang paraan para magawa iyon, at mahalaga ang bawat hakbang sa paggawa ng napakaimportanteng ugnayan sa audience mo. “Magpakatotoo sa sarili mo,” sabi ni McDonough. “Sa huli, kailangan mong maging tunay na ikaw.”
Baka magustuhan mo rin