Paggawa ng mas magagandang infographics ng negosyo.

Visualization ng data 101.

Maganda ang mga numero, pero mas maganda ang mga numerong may larawan. Ito ang dahilan kung bakit ang infographics ay isang napakaepektibong paraan para magpakita ng impormasyong maraming data — mas nakakahimok ang mga numero kapag may konteksto. Kung nakikipag-ugnayan ka man sa mga potensyal na customer sa pamamagitan ng marketing infographic, pag-iisa-isa sa business plan mo sa mga investor, o nagpe-present ng flowchart sa isang bagong miyembro ng team, iisa ang layunin ng anumang infographic: ang gamitin ang data na iyon para magkwento.

Nagsisimula ang pinakamahusay na infographics sa pagsasaalang-alang sa audience. Ano ang kailangan nilang malaman? Ano ang gusto nilang malaman? Gamit ang mga tamang tool at resource, maeengganyo mo ang audience mo — at maaaliw pa nga sila — habang tinutulungan mo silang mag-visualize ng mahalagang data.
 

Ipakita, huwag sabihin.

Ang mga pinakamagagandang design ng infographic ay kumakatawan sa data, mga tagubilin, mga routine, o mga system, nang pinapanatiling kaunti ang text. Ang mga ito ay pwedeng maging masiglang visualization ng iisang data point na sumusuporta sa mas malaking kwento, o isang buong page na gumagamit ng mga visual para mag-share ng maraming impormasyon tungkol sa isang paksa.
 

Nananatiling pareho ang mga prinsipyo anuman ang layunin mo:
 

1. Malinaw na ipahayag ang pangunahing mensahe mo.
   
   
2. I-leverage ang mga visual bilang mga patunay sa thesis mo.
   
   
3. Ang design mo na ang bahala lahat ng natitira.
    

Bago mo simulang i-design ang infographic mo, isipin ang impormasyong gusto mong kalapin para suportahan ang kwento mo. Kung ang pangunahing ideya mo ay mas nakakaubos-oras na ngayon ang social media kumpara noong limang taon ang nakakaraan, maghanap ng statistics tungkol sa bilang nga mga user ng social media sa mga taong iyon para makapagpakita ka ng trend. Posible ka ring makahanap ng data tungkol sa kung ilang oras ang ginugugol ng mga indibidwal sa mga site sa social media araw-araw o impormasyon sa kung aling mga demograpiko ang pinakamadalas gumamit ng social media.

Palaging isaalang-alang ang design.

Kapag may solid na data at gumaganang plano ka na, handa ka nang magpatuloy sa design. Isaalang-alang mga sumusunod na punto sa kapag nagsisimula ka nang gawin ang proyekto mo.

1. Hanapin ang mga tamang tool. Ibinibigay ng Adobe Illustrator ang lahat ng kailangan ng team mo para gumawa ng mga infographic at visualization ng data. Pag-isipang kumuha ng membership sa Adobe Creative Cloud para sa mga team, na nagbibigay sa iyo ng access sa Adobe Illustrator, InDesign, at Photoshop — at, pwede kang mag-download ng mga libre at ganap na nako-customize na template ng infographic vector mula sa Adobe Stock.

2. Bumuo ng hierarchy ng visual. Kasunod ng mga ideyang na-sketch mo, simulan ang design mo sa pamamagitan ng paglalatag sa pangunahing element. Tiyaking ang pinakamahalagang punto mo ang pinakanapapansin, sa gitna man ng infographic mo o ang may pinakamabigat na visual weight sa simula o sa dulo. Huwag hayaang makaagaw ng atensyon ang mga element ng design.

3. Itakda ang daloy ng impormasyon. Kung may linear na storyline ang infographic mo, tiyaking gagabayan mo ang mambabasa mo na tumingin sa bawat elemento nang magkakasunod. Gumamit ng white o blank space para i-highlight ang mahahalagang punto, bigyan ang mambabasa ng mga visual cue, at magkaroon ng balanse. Matutulungan ka rin ng pag-align ng text, mga object, at mga margin gamit ang mga invisible na ruler guide na ayusin ang layout. Ang paggamit ng mga set ng icon mula sa Adobe Stock ay isa pang magandang paraan para gawing mas visual ang impormasyon at iwasang punuin ng text ang graphic mo. Isipin kung paano mo maikokonekta ang mga image na nauugnay sa paksa mo sa mga graph at chart na gagamitin mo para ipakita ang data mo.

4. Pumili ng color scheme. Dahil posibleng maglaman ang infographics ng maraming impormasyon, iwasang magmukha itong magulo sa pamamagitan ng pagpapanatiling simple ng color scheme mo. Pumili ng mga kulay na naaayon at nababagay sa brand mo. Para sa tulong sa pagpili ng tema ng kulay, i-explore ang mga kasalukuyang trend sa kulay o siguraduhing magkakasundo ang mga pinili mong kulay sa Adobe Color.